《低俗喜劇》Vulgaria

(圖片來源)

套戲幾個月前睇，到今日都重記得好清楚，係真係令人「印象難忘」既戲。

聽講彭浩翔開拍合拍片《春嬌與志明》既同時，將一啲唔可能放入合拍片既嘢，放晒落呢套拍《低俗喜劇》度，所以套戲絕對純香港電影，香港人睇得特別開心。

彭浩翔有乜叻？就係小事化大。佢之前套套戲都係將一尐小事搞到懶係大。但你唔好理，渠搞兩搞又套套都好似好言之有物 (真係只係好似，唔好當真)，又套套睇落都好似係有尐野，有尐特別，你就係唔知做乜都係會記得。

《低俗喜劇》擺明低俗，一味玩低俗引你笑，但渠又係咁叻，一大堆低俗料堆埋一齊，你又係覺得「言之成理」，故事都係流暢，你又覺得賤得蒞又真係抵死好笑，唔覺得佢夾硬蒞。

套戲一大亮點當然係暴龍哥鄭中基，樣衰賤格既大佬型像入型入格，睇完我已經覺得「最佳男配角」，多數佢攞到。